ताज्या घडामोडीपिंपरी चिंचवडपुणे

पुणे-लोणावळा लोकल येत्या गुरुवारपासून पुन्हा रुळावर.

अत्यावश्यक सेवेतील कर्मचाऱ्यांसाठी परवानगी

लोणावळा : कोरोना प्रादुर्भावाच्या पार्श्वभूमीवर गेल्या काही महिन्यांपासून ठप्प असलेली पुणे-लोणावळा लोकल ट्रेन आता सुरु होणार आहे.
ट्रेन सुरु होणार ही जरी आनंदाची बातमी असली तरी तूर्तास केवळ अत्यावश्यक सेवांमधील कर्मचाऱ्यांना लोकलने प्रवास करण्याची अनुमती मिळणार आहे. त्याबाबतची नियमावली आगामी दोन पुण्याचे पोलीस आयुक्त जाहीर करतील, अशी अपेक्षा आहे.

राज्यात आणि देशात सध्या अनलॉक 5 सुरु झाले आहे. या अनलॉक 5 च्या पार्श्वभूमीवर कोरोनाचा वाढता प्रादुर्भाव लक्षात घेता काही निर्बंधांसह पुणे परिसरातील लोकल ट्रेन सुरू करण्यास राज्य शासनाने परवानगी दिली आहे.
मिशन बिगिन अंतर्गत जारी करण्यात आलेल्या आदेशात यासंदर्भातील उल्लेख आहे. मुंबई महानगर क्षेत्राच्या धर्तीवर पुणे क्षेत्रातील लोकल ट्रेन सुरू करण्यास राज्य शासनाने परवानगी दिली आहे.

यामुळे पुणे- लोणावळा या लोहमार्गालगत राहणाऱ्या लोकांसाठी ही दिलासादायक बाब आहे. राज्य शासनाने अनलॉक 5 ची नियमावली आणि आदेश जाहीर केले आहेत. हा अनलॉक 5 हा 1 ते 31 ऑक्टोबरपर्यंत राहणार आहे. यामध्ये राज्यातील लांब पल्ल्याच्या रेल्वे देखील सुरू करण्यास शासनाने परवानगी दिली आहे.

पुण्यातील लोकलसेवा सुरू करतानाच कोरोनाच्या अनुषंगाने काळजी, खबरदारी घेण्याचे देखील आदेश देण्यात आले आहेत.

कृपया बातमीला जास्तीत जास्त शेयर करा
Tags

प्रतिनिधी

या न्यूज वेब पोर्टलमध्ये प्रसिद्ध झालेल्या बातम्या आणि लेखामधून व्यक्त झालेल्या मताशी मुख्य संपादक, कार्यकारी संपादक किंवा संचालक मंडळ सहमत असतीलच असे नाही. अनावधानाने काही वाद निर्माण झाल्यास तो पुणे न्यायालय अंतर्गत मान्य राहील.तसेच स्वराज्य न्यूज कोणत्याही बातमीसाठी, साहित्यासाठी पैसे आकारत नाही. त्यामुळे पैशाचे व्यवहार केल्यास संबंधित बातमीदार जबाबदार राहील.

Leave a Reply

Your email address will not be published. Required fields are marked *

Back to top button
error: Content is protected !!
Close